الرئيسيةالتسجيلالتسجيلدخول

شاطر | 
 

 يوميات شاب " أعزب " مغترب ..... وبيحب مصر ( متجدد)

اذهب الى الأسفل 
كاتب الموضوعرسالة
KIMOZ
هووكس فعال
هووكس فعال
avatar

ذكر
عدد الرسائل : 481
العمر : 31
تاريخ التسجيل : 27/08/2007

مُساهمةموضوع: يوميات شاب " أعزب " مغترب ..... وبيحب مصر ( متجدد)   السبت 03 نوفمبر 2007, 10:26 pm

بسم الله الرحمن الرحيم
الاول ياجماعة الموضوع منقول

أخوتي الاحباب أعضاء قسمي المفضل ورابطتي الي بحبها جدا من كل قلبي .....

بتحصل للواحد بلاوي وحاجات كتير في الغربة ... ومعلش انا هنا هخليها على البساطة البساطة بدون لغة عربية فصحى ولا بتنجان .... خلينا كدا ايه حلوين ومنعنشين وواخدينها على البساطة ....

فكرت اني اسجل اليوميات دي في موضوع متجدد باذن الله ....

معرفش هتستفيدوا منها ازاي بس الواحد بطبيعة الحال بيحط نية للعمل عشان ربنا يحطة في ميزان حسناته .... ونيتي هنا اني افيد كل من يريد ان يستفيد ....

أخوكم أعزب والغربة للأعزب تختلف تماما عن الغربة للي متجوز ومعاه أسرته وعياله ... أو حتى معاه العصفورة الي بتشاركه حياته من غير عيال
كونك بتحس انك وحيد من غير حد يسأل عليك ولما تعيط يمسح دمعتك ولما تضحك يضحك معاك ولما تتعب يجري ويحاول يساعدك ويقلق عليك ... فدا احساس بشع ....
المهم عشان منطولش عليكم نخش في يومنا الاول ( الفلوس هنعتبرها بالجنيه عشان محدش يعرف انا فين ) :

يوم الاربعاء 19 سبتمبر 2007 :

طبعا انتم عارفين اني مهندس اتصالات وباعمل في توكيل لشركة هولندية متخصصه في هذا المجال وطبعا الشركات في دول الخليج غالبا ما بتتكون من تمنين في المئة هنود بمختلف انواعهم ( وهم انواع كثير قوي على فكرة ) وعشرة في المئة فلبينيات ( وخلي بالك من الاف والتاء دي ) والباقي خلطبيطه مابين العرب واصحاب البلد والجنسيات التانية .....
دي مقدمة عشان تبقوا معايا في الصورة ....

أخواتي وحبايبي صحيت النهاردة متأخر على الساعة السابعة صباحا لأني نمت متأخر امبارح يدوب كدا على الساعة حداشر ... يعني متأخر جدا .... وطبعا مفيش اي امل اني ءاخد اتوبيس لأني مش هلاقيه وان لاقيته يبقى باذن واحد احد هوصل الشغل على تاني يوم متأخر .... فانتحرت وركبت تاكسي .... وطبعا زي مكل الناس عارفه ان التاكسي منسفة للمال مهلكة للمحفظة مذبحة للمرتب .... ولكن شر لا بد منه فركبت وقولنا استعنا بالله ....
بعد ما ركبت ودخلت في التكييييف المريييح بعد عرق ورطوبة
وقلت سلام عليكم والسواق الاسمراني قالي عليكم السلام .. بصيت للسواق عشان اعرف هو هندي ولا عربي ولا اييييه ... عشان احدد ايه اللغة الي هتكلم بيها .. لقيته راجل اسمراني جايب على سوداني بس مش شكله هندي خاااااالص ....
فقلت نتكلم عنجليزي ومن طريقته في الرد هنفهم هو جنسه ايه دا .... انس ولا جن .....
رد عليا عنجليزي برضه بس لهجة غريبة مسمعتهاش قبل كدا ... بس المهم عشان الوقت قلتله وديني الحتة الفلانية .... لقيته رد عليا وقالي حضرتك تعرف فين الحتة دي أحسن انا جديد في البلد ومعرفش فيها حاجة ....
ابتسمت وفرحت ... وفي عقلي قلتله انت لقطه .... عارفين ليه ....ههههه
عشان هخده من اقصر الطرق وافضاها عشان العداد ميحسبش فلوس كثييييير ....
وخدت البشمهندس طالع نازل يمين شمال ووصلت المكتب في عشر دقائق وبأقل مقدار مالي ممكن ....
وقلتله سلامات تخش يمين في شمال عشان تطلع من هنا ... والراجل طلع ..بس الحمد لله مسمعتش صوت فرقعة ولا خبط دليل انه طلع سليم والحمد لله .....
السواق دا طلع اثيوبي وكان بقاله اربع ايام واخد الرخصة ... يعني كان لسه جديد لانج .....
ووصلت الشغل بدري كمان ..... وقعدت قبل الدوام اقرأ المشاركات والمواضيع في رابطتنا الفلة دي ....

ومفيش جديد في اليوم لحد الان وسلامات بقى ليوم جديد بموقف جديده وأخوكم الاعزب في الغربة وبيحب مصر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://WWW.FOUR.HOOXS.COM
KIMOZ
هووكس فعال
هووكس فعال
avatar

ذكر
عدد الرسائل : 481
العمر : 31
تاريخ التسجيل : 27/08/2007

مُساهمةموضوع: رد: يوميات شاب " أعزب " مغترب ..... وبيحب مصر ( متجدد)   الإثنين 05 نوفمبر 2007, 5:13 pm

ثانيا : نكمل مسيرة اليوميات :

يوم 20 من سبتمبر 2007 :

اليوم يوم بدايته مش عادية .... الواحد الطبيعي انه يقوم في ايام رمضان قبل الفجر بنص ساعة يتسحر وينزل الجامع يصلي الفجر ولو ربنا كرمه يقعد للشروق عشان يا خذ ثواب حجة وعمرة كاملة .... دا الطبيعي ....

بس النهاردة الي مش طبيعي اني اقوم على خناقة وصوت عالي .... أخوكم قاعد في غرفة تتكون من اربعة اشخاص ونفر جي ضيف كدا لحد لما ربنا يكرمه بمكان يروحله .... الغرفة ودا من نصيبي الحلو عبارة عن حلقة سياسية متنافرة فعندي اتنين فليسطينيين حمساوية وواحد فلسطيني فتحاوي وواحد تونسي ملوش في البطيخ وانا طبعا أخوانجي .....
وطبيعي جدا تصل في بعض الاحيان للقذف بالمخدات وسجادات الصلاة .... وممكن تدخل فيها الشماعات
المهم اني النهاردة الصبح صحيت الساعة اربعة يعني قبل الفجر بساعة على خناق فتحاوي مع واحد من الاتنين الحمساوية وزعيق وشخيط وهلم جرجر .... وطبعا أخوكم تعباان ونظامه الرمضاني في النوم متلخبط ...فمستحملتش وقمت قايم خابط الاتنين باللحاف وزاققهم برة الغرفة وقفلت بالمفتاح ودخلت وكأن شئ لم يكن .... وهما برة بيصرخوا ويصوتوا ..... بس مش مع بعض ..... لأ .... بيصرخوا فيا انا ويزعقولي انا .... انا ولا هنا طبعا وملعون ابو السياسة الي تصحي الواحد من احلى نومة ....
وعدى الموضوع ورحت الشغل ... وكان ما اتمناه ... طالع موقع فيه مشكلة وايه الموقع دا معرض عربيات البي ام دبليو .... وأخوكم مهووس بالعربية دي ....
خدت واحد هندي مع المدير السيرلانكي وكيساهيه وعلى الموقع على طول ....
وخدنا بقى يوم بحالة نحل في المشكلة وربنا يسرها واتحلت .... بس الحمد لله من غير مانعمل تمر هندي ... ولحقت الفطار على اخر دقيقة وربنا سهلها وكان ابوعلي أمنا الي في الغربة عاملنا حبة كفته مع طبق مش عارف ايه باللحمة .... وسلطة فتوش بالخيار وعصير جلاب بالسكر .... وصلينا المغرب ودخلت اريح شوية ... وطبعا الفتحاوي الي نايم فوق نفوخي مش هيسيب طاره ... فجه جنب راسي وجاب شوية عنب وتفاح وقعد ياكل ويمزمز الاكل مزمزه ... وأخوكم ضعييييف من ناحيةالعنب .. فقمت خطفت منه عنقود وجريت ومعرفتش انام طبعا .... ونزلت اصلي التراويح وربنا يتقبل ......

وعدى يوم الخميس المنتظر من الاسبوع للاسبوع بسلام من غير خراشيم ولا تعاوير ولا ازمات .... وانتظروني في يوم جديد من ايام مغترب عزبنجي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://WWW.FOUR.HOOXS.COM
VIDEOclips
هووكس جديد
هووكس جديد


ذكر
عدد الرسائل : 75
العمر : 36
تاريخ التسجيل : 04/12/2007

مُساهمةموضوع: رد: يوميات شاب " أعزب " مغترب ..... وبيحب مصر ( متجدد)   السبت 15 ديسمبر 2007, 1:12 pm

ايه الحلوة دى
فى انتظار جديدك دائما

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
يوميات شاب " أعزب " مغترب ..... وبيحب مصر ( متجدد)
الرجوع الى أعلى الصفحة 
صفحة 1 من اصل 1
 مواضيع مماثلة
-
» "عقدة البدري" تهدي الحدود اللقب الثاني
» زوج ساندرا بولوك يتحدث عن ملابسات "الخيانة"
» ?? «« قصـــة حيـــاة الجنتـــل الأسمـــر " تري هنري " »» ??
» اعرف اكثر عن زوجات الرسول"صلى الله عليه وسلم"
» فيت لأزالة الشعر الزائد " احسن طريقة بشهادة فتيات كتير "

صلاحيات هذا المنتدى:لاتستطيع الرد على المواضيع في هذا المنتدى
الفور هووكس :: الهووكس {الاول} :: منتديات الموضوعات العامة :: رابطة محبى مصر-
انتقل الى: