مواقف محرجة من الحياة

مواقف محرجة من الحياة

كثير منا من الممكن أن يقابل موقف أو أثنين من هذه المواقف أو لو كان حظة عالي وفي السماء يقابلهم كلهم يا تري أيه هيكون رد الفعل بعد الموقف عايزين نشوف أراء بعض
لا تنسوا الردود علي كل موقف علي حدي "المواقف ممكن تحدث للبنت أو للولد عادي الكل يجاوب حسب جنسة"
1- تخيل وأنت ماشي في أمان الله كدة ولابس ومتأنتك علي الأخر ولقيت مرة واحدة شوية مياه كده علي مزاجك أترمت عليك من شباك أو بلاكونة فوقيك وياسلام بقي لو كانت كمان مش نظيفة أيه هيكون رد فعلك

2- تخيل وأنت راكب مرة أتوبيس والأتوبيس زحمة علي الأخر وأنت فجأه جتلك نوبة العطس وعمال تديها عطس هتعمل ايه

3- تخيل وأنت في أنتر فيو عشان الشغل وقلمك وقع منك فرحت موطي عشان تجيبة وفجأه لقيت البنطلون أتفتئ والفتئه بينة ومئورة وشاهد عيان ايه هيكون رد فعلك

4- تخيل وأنت ماشي في الشارع وفجأه لقيت شاب أو فتاه وناس عايزين يخطفوهم وأستغاثوا بيك هتعمل أيه

5- تخيل وأنت في الكلية وواحد مادد أيده قدامك رحت مسلم وهو أصلا كان عايز يسلم علي شخص وراك وهو فوجئ أن أنت ألي بتسلم عليه ردك هيكون أيه

6- تخيل وأنت في الشارع وتصادف مرور شخص كان صديقك جدا وأنت بتحبة جدا وهو شافك بس نفدلك ومسلمش عليك هتعمل أيه

7- تخيل وأنت قاعد في عربيتك وسايق وماشي بتتمخطر وفجأه راح شخص كاسر عليك أو حد خبطك وأعدت تشتم فيه وفجأه راح نزلك من عربيتة ولقيته طــــول في عرض "خمسة في واحد" بودي جارد يعني هتعمل أيه ساعتها

8- تخيل وأنت نازل مع مراتك تتسوق وطبعا الستات والبنات بيشتروا المحل بألي فيه وجيت تحاسب وفجأه ملقيتش معاك المحفظة وأتريك نستها في البيت هتعمل ايه يا جميل

9- تخيل وأنت قاعد في عزاء ومعاك واحد صاحبك ومرة واحدة صاحبك ده جتلة كريزة ضحك ومسخسخ علي الأخر هتعمل أيه في الموقف ده

10- تخيل وأنت ماشي مرة في الشارع ولقيت واحد صاحبك أو معرفة من زمان سلمت عليه وعمال تبوس فيه وتكلمة وتحكيلة ذكريات الماضي وبعد لما تخلص يرد عليك ويقولك أنت مين ياعم .........؟؟؟؟؟؟؟؟؟؟؟؟؟ أنا معرفكش يا تري أيه هيكون رد فعلك "بتحصل كتير قوي مع واحد صاحبي هنا في المنتدي هو عارف نفسه بس بيكون الطرف الثاني ألي مش فاكر حاجة"

11- تخيل أنك مرتبط بسفرية هامة جدا وهتحدد مستقبلك وبعد لما جهزت حجتك ورحت علي المطار لقيت أن الطيارة طلعت خلاص ومفيش طيارة بعدها الا بعد يومين يعني الشغلة والسفرية طارت منك هتعمل أيه ساعتها

12- تخيل وأنت ماشي لوحدك في أحد الشوارع وطلع عليك 5حرمية بسنج ومطاوي وأنت لوحدك يا عيني وعايزين منك كل حاجة وهما كرمه هيسبولك الأندروير هتعمل أيه ساعتها "حصلت مرة في أسكندرية حرمية طلعوا علي شبين وكانوا ملابسهم كلاها أصلي أديدس يعني و نيو برن الحرمية أخذوا منهم فعلا كل حاجة وخلوهم بالملابس الداخلية فقط بس أنا مش فاكر عملوه أيه ساعتها "

13- تخيل وأنت مسافر الي لبيا مثلا بري وتهت في الصحراء وأنت جعان وعطشان ولقيت بعد عناء طويل جدا بــــــــير مياه بس مكتوب عليه أن المياه ألي فيه ملوثة ومسمومة هتشــــــــــــرب ولا لأ

14- تخيل انك نازل علي السلم ولقيت كلب كبير قوي وشكلة مسعور في وشك هتعمل أيه يا جميل

15- تخيل وأنت نازل علي السلم فأتكعبلت في السلالم وقعت تتدحرج وتتدحرج حتي توقفت فلقيت في وشك 3بنات ذي القمر هتعمل أيه
والأن بعد انتهاء المواقف ال15 أرجو منكم ذكورا وأناثً أن كل واحد منكم يحط نفسه في كل موقف ويجاوب بصـــــــــــــــــــدق عن رد فعلة في كل موقف علي حدي عشان نستفيد من بعض

علي فكرة كل هذه المواقف من الممكن أن تحدث وليست خيالية والأجابة عليها بتبين الشخصية هل هي ضعيفة أم قوية وهل عنده ثقة في النفس أم لا ماعدا طبعا موقف البير
أنا طبعا مش هحلل الردود لأن أنا مش طبيب نفساني