حوار عن البغبغان

البغبغان

كان فى عائلة زى الفل عايشين عيشة سعيدة جدا
وفى يوم عيد جواز الاب والأم جاتلهم هدية عجيبة جدا
اكيد كلكم توقعتوها

بغبان
فى قفص زى الفل

وكلنا عارفين ان البغبغان غلباوى بنص لسان بيحفظ اللى اى حد يقلهولوة وتصبح يلاقاه يقوله ويعيده لوحده كمان

البغبان كان فرد محبوب جدا فى العائله وكل واحد منهم عمل ليه عليقه مخصوص فى اوضته وكان بيحب يخليه عنده
البغبغان قعد اول شهر عادى مس بيتكلم لحد ما اتعلم الكلام وبدأ يتكلم

زى ما قال رجليكى حلوة اوى يا منى
(لمزيد من التفاصيل راجع فيلم افريكانو)

وطبعا كل واحد ليه منى بتاعته

الواد طلع بيشرب حشيش
الست طلعت ما شاء الله كل صحباتها زبالة ما عدا اللى بتكلمها
الراجل طلع عنده مراهقة متأخرة
البنت بقى ******

وكانت نهاية البغبغان متوقعه
البيت صحى فى يوم لقاه مذبوح

وطبعا محدش زعل عليه ولا حتى سأل من اللى عمل كدة

زى ما يكونوا مستنيين اللى يحصل ده

السؤال
مش مين اللى دبح البغبان

السؤال هو
لو انت عندك بغبغان هتخاف منه؟

يعنى انت عندك حاجة تخبيها؟

لو عندك قدامك حل من 3

الأول : انك تخلى الأسراراللى جواك وساعتها هتفرقع من جوة

التانى: انك تبقى معندكش احساس لما الناس تشوفك بمنظر زباله وده اسهل حل

التالت وده اصعب حل انك تخلى جواك نضيف
مفيش اسرار .. مفيش مؤامرات .. حب و بس
تفتكر تقدر

هتختار اى حل
الأسهل ولا الأصعب

كلنا جوانا حاجات وجشة كتيييييييييييير
والبغبغان موجود موجود مش بيدبح ولا بيمشى

بقلم احمد مجدى سيد

موضوع رائع جدا وفكرته عالية
الفكرة ان الانسان اذا ظهرت حقيقته اللى جواه
نظرت الناس ليه بتتغير
ولكن اصلا الانسان بين اصدقائه المفروض يكون واضح وصريح
ولو فى موضوع لا يريد اظهاره بيتخنق
على فكرة يا الاشرف انا ديما فى المنتديات واضح وصريح
وبخرج كل اللى جوايه
لانى باحس انه جو صداقة

اشكرك جدا على القصة الروعة
وانا فى الغالب سوف هغرق من جواه

الصراحة راحة
واذا كنت كذوباا فكن ذاكوراا
حوار عن البغبغان 82