هل نحن موسميين ؟؟

هل نحن موسميون؟ بمعنى هل ترتبط افعالنا واعمالنا بمواسم معينة دون الاخرى
بصراحة هذا الموضوع لفت انتباهى من على احدى المواقع العربية ولاننى وقفت امامه طويلا احببت ان انقله اليكم كما هو :
(((وأنت قاعد تذاكر..
والدنيا ظلام.. وسكون.. والحياة هادئة.. سمعت أذان الفجر.. الله أكبر.. الله أكبر...
هووب هتقوم من على الكرسي وتتوضأ بالميه الساقعة- أصل السخان بايظ!-.. وعلطول هتنزل على المسجد اللي جنب بيتكم عشان تلحق الصلاة من أولها.. عشان تؤدي الفرض..

وكمان تدعي إن ربنا يوفقك في الامتحان الصعب.. تخلص الصلاة.. تقعد تسبح.. وتدعي وتخرج من الجامع وأنت هادئ ومستقر.. وترجع تذاكر...

طيب خلينا نتصور المشهد ده لو كنا في إجازة الصيف...
وأنت قاعد قدام الكمبيوتر وبتلعب خلاص في نهائي كأس العالم وجماهير FIFA 2006 بتشجعك ويمكن تخرج من الشاشة عشان تاخدك في أحضانها...
سمعت أذان الفجر.. الله أكبر.. الله أكبر..

هوووب.. هتفضل لازق في الكرسي وهتشرب عصير المانجو اللي جنبك على المكتب باستمتاع شديد.. وهتكمل الـGame عادي.. "ده الفاينال يا سيد.. يعني كأس العالم.. يعني شهرة وأضواء!".. وممكن كمان من فرحتك الشديدة بعد ما خدت كأس العالم تنام، و.."خلاص بقى هأبقى أصلي الفجر مع الضهر"!

مش كل الناس كده.. إحنا معاكم
بس فيه ناس كده برضه!

فيه ناس لا تحرص على الصلاة والعبادات إلا وقت الامتحانات وبس.. وبعد كده بينسوا أو بيتناسوا.. يعني بيكون قربهم من الله "موسمي"..

واللي بيحصل في وقت الامتحانات بيحصل في كل أوقات الشدة والمشاكل الكبرى..

يعني لو واحدة بنت متقدم لها واحد عشان يتجوزها.. تلاقيها تصلي استخارة وتدعي ربنا يوفقها فيه لو كويس ويبعده عنها لو وحش..

كذلك ده بيحصل لما يكون مديرك في الشغل مسود عليك عيشتك للدرجة اللي تخليك تفكر في أنك تسيب الشغل وتدور على شغل تاني..

ولما يكون حد من قرايبك تعبان وحالته خطيرة.. تقعد تدعي وتصلي له..

ولما مصر هتلعب ماتش كورة صعب.. تكثف دعاءك علشان ربنا ينصرها..


عموما كل ده حلو ولطيف وماحدش يقدر يقول عليه حاجة مش ولابد..
بل بالعكس.. ده شيء جميل جدا إنك تقرب من ربنا.. وتعرف قدرته وعظمته..

بس السؤال...
هو ليه بيكون ده يوم أو أسبوع أو شهر واحد بس ومش بيكون طول السنة؟

ممكن نساعدك إحنا في الإجابة..
ببساطة لأنك بني آدم.. إنسان يعني
فلما تحاول تقرب من ربنا أكيد بتضعف في مرة وتنتصر على نفسك مرة

طيب وده بيحصل ليه؟
جاوب أنت بقى أمال أنت هتقرأ كده


إحنا تقريبا عيشتنا كلها موسمية...

وبعد ما عرفنا بعض الأسباب ممكن أنتم تكملوا باقي الأسباب..

وتقولوا لنا كمان إزاي يكون الواحد فينا مواطن دائما..
مجتهد دائما.. متقرب من الله دائما..

وإزاي يقدر يطلق الحياة الموسمية اللي هو عايشها دي؟))))
الى هنا انتهى الموضوع نقلا
الان بعد ان قرأت فلتسئل نفسك هل انت بالفعل موسميا ؟؟ [center][b]

الله ... موضوع رائع
ننتظر ايجابات الزملاء

هههههههههههههههههههههه
كلام سليم جدا