‏نظام عبدالدايم

اهلا احبابي الاعزاء اعضاء احلي واجمل واروع منتدي
كيف الحال؟؟!!!
ان شاء الله خييييييييير جدا
!!!
انا اليوم عامل موضوع غيريب
!!!
اقصد ناقل
اصلي الموضوع بصرحة مش موضوعي
هو منقول!
،،،،،،،،،،،،،،،،،،،،،،،،،،،،،،،،،،
اسمة ‏نظام عبدالدايم
كتب - ‏ يوسف معاطي

************************************************** ****

نظام عبدالدايم‏..‏ رجل مهيب عظيم الجاه والسلطان‏

ظل لآلاف السنين محتفظا بتلك المكانة العالية الخطيرة‏
لا يتحدث عنه الناس إلا همسا إذا كان لهم رأي يخالف رأيه‏
‏ ويسعي الكثيرون للتقرب إليه‏,‏ والسيد نظام عبدالدايم أحيانا قليل الصبر‏
ضيق الصدر‏,‏ والتعامل معه غالبا ما يكون محفوفا بالمخاطر‏
لذا فقد آليت علي نفسي أن أحتفظ بتلك المسافة الآمنة بيني وبين السيد نظام‏
‏ وبحكم عملي كنت أحيانا ألتقي بالسيد نظام فأكتفي بابتسامة رقيقة‏
وتحية خجولة‏,‏ صباح الخير يانظام‏..‏ ازيك دلوقت‏..‏ مش الأحوال تمام‏..‏
وبس‏..‏ مفيش أكثر من كده‏..‏ يانحلة لا تقرصيني ولا عاوز عسلك‏!!‏

مما جعل كتاب النظام يصفونني أحيانا علي أنني من كتاب المعارضة
بينما تبرأ مني المعارضون وصنفوني كاتبا للسيد نظام‏
إلي أن قرر السيد نظام عبدالدايم فجأة أن يطلق حرية التعبير بلا حدود وبلا سقف‏
‏ في سابقة تعد الأولي من نوعها من أيام الملك مينا موحد القطرين
وصارت المعارضة هي الموضة‏
‏ بل صارت أشبه بالمزاد العلني‏
واكتسب المعارضون الجدد نجومية خاصة كل حسب حدته
ودرجة هجومه واختياره لألفاظه في شتيمة نظام عبدالدايم‏

بل لقد صارت المسألة مربحة أيضا حتي إنني حضرت جلسة
لأحد رجال الأعمال قال فيها أحدهم له‏:‏ ما تيجي نعمل مشروع جريدة معارضة ياباشا‏
بيقولوا مكسبها حلو‏,‏ وصار المعارضون نجوما علي الفضائيات
ينتظرهم المشاهدون أكثر مما ينتظرون نجوم السينما‏
حتي إن فتاة رقيقة كانت تشاهد بجواري أحد المعارضين
علي الشاشة وهو يحلف بالطلاق إن مفيش حاجة عدلة في البلد دي‏
‏ قالت لي‏:‏ نفسي يا أبيه أتجوز واحد معارض‏!!‏

عدت إلي بيتي وأنا في قمة الحيرة‏,‏ ماذا أفعل؟‏!‏
هل سأظل هكذا أكتب أشياء لا يحتفي بها السيد نظام عبدالدايم‏
‏ ولا حتي تتبناها جرائد المعارضة‏,‏ وقررت أن أفعلها أخبط مقالة من إياهم
ترج البلد‏,‏ وتاني يوم أكون في قناة الجزيرة بأزعق‏
وعموما هما بيدفعوا‏300‏ دولار في الحلقة‏
مش وحشين‏,‏ ولكن فيم سأكتب؟‏!‏

أخذت أقلب في جرائد المعارضة وأفليها‏
‏ إني ألاقي موضوع ما كتبش فيه‏!!‏
لقد أغلقوا في وجهي كل الأبواب‏
كلمت أحد المعارضين أصدقائي وطلبت اللقاء في المقهي‏
استقبل صديقي المعارض بحفاوة كبيرة من الجالسين‏
جلس في ثقة وسعادة وقال‏:‏ أهو الناس دوله ياجو هما اللي بيدوني الطاقة
عشان أقدر أواصل المسيرة‏
همست له بود‏:‏ عقبالي ياسيدي‏..‏
قال‏:‏ المسألة سهلة خالص‏,‏ قول اللي جواك وما يهمكش حد‏
دخل السائق وهمس في أذنه‏,‏ ما تنساش ميعاد البرنامج يا أستاذ‏
قال المعارض‏:‏ حاضر‏..‏ حاضر‏..‏ بس قول لهم يحضروا الظرف قبل ما اطلع ع الهوا‏

سألته في فضول‏:‏ أه المقال اللي كنت كاتبه الأسبوع اللي فات ده‏!!‏
ده يودي في ستين داهية‏..
‏ أومأ برأسه مبتسما وقال‏:‏ أيوه‏..‏ أيوه‏..‏ ده قلب الدنيا‏..‏ ده أنا ح أعمله سلسلة‏..‏
شوف يابوحجاج المعارض هو الإنسان اللي ممكن يدخل السجن عشان خاطر أفكاره‏..‏
قلت له‏:‏ وانت دخلت السجن؟
قال‏:‏ أهوه‏..‏ بحاول‏..‏
قلت له‏:‏ طيب يا أخي ما تاخدوني معاكم مش في السجن‏,‏ في الجرنال‏
قال‏:‏ معلش ياجو مفيش مساحة للنشر‏..‏
انت عارف الضغط علينا في الجرنال‏..‏ وتركني مسرعا ليلحق بموعد الهواء‏..‏

وسمعته وهو يقول في بداية البرنامج‏:‏ إن جريدته مستعدة لنشر جميع الآراء‏..‏
فأغلقت التليفزيون وكفرت بالمعارضة‏..‏
قررت أن أكون كاتب النظام‏..‏ وأخذت أقلب في الجرائد القومية إني ألاقي
موضوع ما كتبوش فيه‏..‏ إنهم يمدحون كل شيء‏..‏
لقد أغلقوا في وجهي كل الأبواب هم أيضا‏..‏ وكلمت أحد المنافقين من أصدقائي‏..‏
وطلبت اللقاء‏..‏ كان آتيا من برنامج حكومي شهير علي الهواء‏..‏ وكان خلفه سائقه‏..‏
وحارسه‏..‏ وعرضت نفسي مرة أخري‏..‏ يا أخي ما تاخدوني معاكو‏..‏
ابتسم رجل النظام من سذاجة عرضي المباشر
وقال‏:‏ شوف ياجو‏..‏ المسألة مش بالسهولة دي‏..‏

كاتب النظام لازم يتربي في حضن النظام طول عمره عشان النظام يثق فيه
ويديله المكانة دي‏..‏ وانت ما تأخذنيش متربي في الشارع‏..‏
انت اتأخرت قوي‏..‏ كنت فين منذ أيام الانتخابات‏..‏
ما تخافش‏..‏ محدش فوق بيكرهك‏..‏ إنما كان محدش يعرفك‏..‏ انت فاهمني‏!!
‏ وبعدين انت كنت بتعمل ايه امبارح مع صديقك المعارض؟‏!‏
اندهشت‏!!‏ كيف عرف؟‏!‏ لقد كان لقاؤنا سريا وخاطفا‏..‏
مين اللي قال لك‏..‏
ابتسم كاتب النظام وقال لي‏..‏
هوه اللي قال لي‏..‏ ماهو كان معايا في البرنامج بتاع الجزيرة‏!!‏

اشكركم جميعا
اخيكم دائما
الاشرف

موضوع نظامى جدا
يوسف معاطى من ألمع الساخرين التى أنجبتهم مصر بكل تأكيد
تسلم الأيادى يا باشا على النظام أقصد الموضوع الرائع

شكرا لك اخي علي الموضوع الجميل

وربنا يكرمك

موضوع رائع
ومبارك عليكم شهر رمضان
يا احلى اعضاء
فى اجمل منتدى

شكرا لك
وكل عام وانت وجميع الاعضاء والمسلمين
بكل الخير
وتقبل الله منا ومنكم هذا الشهر الكريم